«Զորեղ» հավաքածու
Հավաքածուն ծնվել է մեկ կրծքազարդից։ Այն պատկանել է Արփենիկին՝ կնոջը, որի անունն է կրում բրենդը, իսկ Արփենիկն էլ իր հերթին այն ստացել էր իր տատիկից։
Արփենիկը կրծքազարդը կրում էր հատկապես այն օրերին, երբ պետք էր ուժեղ լինել, չնահանջել ու չկոտրվել։ Նրա համար այն զարդից ավելին էր՝ լուռ հիշեցում, որ <Ես կարող եմ » ։
Տարիներ անց Արփենիկը կրծքազարդը փոխանցեց իր թոռնուհուն։ Ոսկու հետ թոռնուհուն անցավ նաև այն, ինչ այդ ոսկին պահում էր իր մեջ՝ ուժը, համառությունն ու տոկունությունը։ Կրծքազարդից ոգեշնչված՝ ստեղծվեց «Զորեղ» հավաքածուն։